Компания қызметіндегі өзгерістерге байланысты f2pool.kz сервисі өз жұмысын тоқтатады. Осыған байланысты туындауы мүмкін қолайсыздықтар үшін кешірім сұраймыз.

Қызметтің тоқтатылу кестесі:

• 2026 жылғы 21 қазан, сағат 00:00 (UTC) — жаңа пайдаланушыларды тіркеу тоқтатылады. Қолданыстағы пайдаланушылар майнинг-пул қызметтерін 2026 жылғы 20 қараша, сағат 23:59-ға дейін (UTC) пайдалана алады.
• 2026 жылғы 21 қараша, сағат 00:00 (UTC) — майнинг-пул және оған қатысты барлық қызметтер толық тоқтатылады, сондай-ақ f2pool.kz сайты жабылады. Осы уақыттан бастап сыйақы есептеу және хешрейт қабылдау тоқтатылады. Пайдаланушылардың аккаунттарына кіру мүмкіндігі жабылады.

Сервис жабылғанға дейін келесі әрекеттерді орындау қажет:

1. Қаражатты шығару. Аккаунт баптауларында төлем қабылдайтын әмиян мекенжайы көрсетілгеніне көз жеткізіңіз немесе шоттағы қалған қаражатты толық шығарып алыңыз. Қажет болса, әмиян мекенжайын баптау және қаражатты шығару жөніндегі нұсқаулықтарды қараңыз.
2. Жабдықтарды ажырату: Хешрейттің қате көрсетілуін немесе майнинг жұмысының үзілуін болдырмау үшін, сервис жұмысы тоқтатылғанға дейін майнинг құрылғыларыңызды f2pool.kz пулынан ажыратыңыз.
3. Деректерді сақтау. Майнинг тарихы, хешрейт көрсеткіштері және есептелген сыйақылар туралы қажетті ақпаратты алдын ала жүктеп алып, сақтап қойыңыз. Сервис жабылғаннан кейін аккаунт деректеріне қол жеткізу мүмкін болмайды.

Маңызды: бұл өзгерістер тек f2pool.kz сервисіне қатысты. Негізгі f2pool.com платформасы әдеттегі режимде жұмысын жалғастырады.

Сұрақтарыңыз болса, қолдау қызметіне хабарласыңыз: [email protected].

Бізге артқан сеніміңіз бен ынтымақтастығыңыз үшін алғыс білдіреміз.